鐵皮貓作室系列

要麼庸俗要麼孤獨 Be Vulgar or Alone

HK$108HK$88

【與設計師會面】 "Be Vulgar, or Alone #要麼庸俗要麼孤獨 " 係德國哲學家叔本華嘅經典名句， 就好似我地其中一位設計師Avery，佢本身係一個絕不庸俗嘅紋身師，亦都係一個愛貓之人喵～ 「呢隻黑貓，係屬於我其中一個創作上嘅嘗試，風格傾向寫實。你會見到其實個貓頭係一個反心型，係我從心型出發而創作嘅其中一件動物作品。」 Avery幫人紋身已有四年時間，兩年前放棄穩定正職成為全職紋身師，專注水墨畫作，至今曾經為百幾人紋身。「其實真係唔算多，因為我走原創路線，正式紋之前會同客戶傾得很仔細，了解佢真正想要乜，出圖再傾再改，雖然時間同功夫係用多咗，但咁樣先出到一幅滿意嘅作品。」 Avery自細喺北角長大，貼地嘅佢仲係一個不折不扣嘅貓奴。「舊年我領養左一對貓母子，因為成貓係比較少人要，我同老婆個陣都係諗，想俾機會一D俾人忽視嘅貓。佢地兩母子經歷都好坎坷，輾轉之下俾我地領養左，岩岩黎到我地屋企個陣好無安全感，隻貓囝囝仲有病過左身，所以依家就淨返隻貓媽媽。依家佢有自己一間房，都仲有少少怕人，夜晚知道有嘢食先會出嚟，平時都係我入去搵佢而佢係唔會主動痴我地。」態度正確喵~ 「我覺得有時啲人會睇到紋身太大，又或者踩到紋身好低，我覺得靚就ok，唔需要解讀太多，同著衫差唔多。」Avery閒時會畫畫睇書打下機，近期嘅水墨創作傾向抽象為主，玩水墨嘅隨機流動。「如果我仲做緊穩定職業，根本就試唔到呢啲咁好玩嘅實驗。想過自己嘅生活，始終要有犧牲，你又願唔願意犧牲呢?」 無錯，要麼庸俗要麼孤獨，that's a question，你又會點揀呢喵? 或者你都可能喺十二貓牌入面搵到屬於自己嘅答案喵~ p.s. 如果大家想對Avery嘅水墨創作有更深了解，可以到 Ink tattoo studio北京魂刺青-Avery 睇下喵～■材質 / 100％ 鋁材 ■尺寸 / 長24cm，高約12cm ※對象年齢9 歳以上 ● 全系列共8 款