Review photo

訓覺大過天 photo

鐵皮貓作室系列

訓覺大過天 Sleep is most important thing

HK$108HK$88

■材質 / 100% 鋁材 ■尺寸 / 長24cm,高約12cm ※對象年齢9 歳以上 ● 全系列共10 款 +++++++++ 【與設計師會面】 真。貓奴就最清楚,訓覺對主子生活最緊要,今日 #訓覺大過天 嘅設計師Donna同喵編分享一下,佢同佢四個主子嘅故事。 「我細嗰喺鄉下長大,屋企好大,又得啲公公婆婆陪我,我老豆怕我悶,攞左一隻貓返嚟陪我,佢就係我第一隻養嘅貓,名好似叫喵喵定咪咪。後來佢走左佬,不過我一直懷疑係老豆呃我,佢應該係俾人捉走咗。」 「第二隻貓飛飛係喺我讀中學個陣老豆羅返黎養,個陣住喺啲舊區大廈,有次我地開鐵閘出去倒垃圾,佢又衝左出去,起初我地不以為意,點知好耐都唔見佢返嚟,我地立即全家人一齊去搵但都搵唔到。第二朝我喊到全學校都知道我唔見左隻貓。」 睇嚟真正鍾意養貓嘅係世伯喎~「係呀,個陣唔興乜嘢領養,我住個啲舊區,椰子糖舖藥材舖都有養貓,又無絕育,好輕易就可以問人羅到貓BB,我第三隻貓湯圓就係咁嚟,就係而家畫咗喺鐵牌呢隻,我老豆仲特登同佢改個唔識郁嘅名,費事佢又走甩。」 之前兩隻都走失左, #訓覺大過天 嘅主人翁湯圓,亦都係第一隻陪伴Donna一家人百年歸老嘅貓。「湯圓喺我屋企住左13年,我睇住佢細細隻勁活躍,之後同我老豆一齊中年發福,身體機能不斷衰退,越訓越多,之後我搬左出去住,有次返老家探佢,可能佢覺得已經同家人打齊招呼,了左心願,第二日佢就自然走左嘞。」 「湯圓佢好高竇,成日含情默默望住老豆,但做啲嘢一逆佢意都無情講㗎!對我阿媽更加好似敵人咁,之後老左先對佢釋出少少善意。湯圓好怕陌生人,好需要安全感,平時訓覺就成棵桔咁捲埋訓,所以我就趁呢個project將佢畫出黎紀念一下。」 「我喺屋企見得最多就係湯圓訓覺,一齊訓個陣仲要永遠都係patpat對住我。」依家佢哋已經開始養第四隻貓財仔,一家人繼續貓奴生活。「所有同你有過交集嘅生命,都會留俾你一個形象,有時我諗起湯圓,就自然諗起訓覺~」 主子同人之間嘅感情若即若離,永遠都咁珍貴咁值得紀念。今年年宵就嚟鐵皮貓作室,發掘更多動人故事吧喵~ p.s. 順帶一提,Donna而家係一個自由身動畫設計師,如果對佢嘅作品有興趣,可以到 www.ekadesignroom.com 瀏覽一下喵~

Shipping & Delivery

鐵皮工作室 IronWorkshopHK recommends delivery via 順豐到付(送貨上門)SF Home Delivery

Delivery: 1-2 working days

Other 鐵皮貓作室系列 from 鐵皮工作室 IronWorkshopHK

Shopping bag

Shop name

Your shopping bag is empty

Continue Shopping
    Shop name Promos

    Merchandise Subtotal

    Promo Discounts

    Order Subtotal

    Shipping info